لاہور(عکس آن لائن ) پاکستان فلم انڈسٹری کی معروف اداکارہ ریما خان48 برس کی ہوگئیں ۔ ریما 27اکتوبر1971کو لاہور میں پیدا ہوئیں،پاکستان فلم انڈسٹری کی گولڈسٹار ریما نے ہدایتکار جاوید فاضل کی فلم بلندی سے اپنے کیرئیر کا آغاز کیا تھا جبکہ فلم میں ان کے مد مقابل اداکار شان تھے۔
مذکورہ فلم نے کامیابیوں کے ریکارڈ قائم کئے۔ریما نے بطور ہیروئن متعدد فلموں میں اپنی صلاحیتوں کا لوہا منوایا۔ ریما نے 7سال قبل امریکہ میں مقیم ڈاکٹر طارق شہاب سے شادی کر کے اپنا گھر بسا لیا اور اب وہ ایک بیٹے کی ماں بھی ہیں اوران دنوں وہ فلمی دنیا سے دوری اختیار کئے ہوئے ہیں۔
