آپ کی ماضی کی غلطیوں اور کرپٹ پریکٹسز کی وجہ سے ملک اس حال میں ہے، شہباز گل کا شاہد خاقان عباسی کو جواب

اسلام آباد(عکس آن لائن)معاون خصوصی برائے سیاسی ابلاغ ڈاکٹر شہباز گِل نے سابق وزیراعظم شاہد خاقان عباسی کے بیان پر ردعمل کا اظہار کرتے ہوئے کہاہے کہ آپ کی ماضی کی غلطیوں اور کرپٹ پریکٹسز کی وجہ سے ملک اس حال میں ہے۔ اپنے بیان میں انہوںنے کہاکہ 8 ارب ڈالر خرچ کرکیڈالر کو مصنوعی منجمد کرنے والے ماضی کی غلطیوں کا اعتراف کر رہے ہیں۔

انہوںنے کہاکہ کیا ایک کے ساتھ ایک فری کی آفر بھی ماضی کی غلطی تھی یا اداروں کو سبوتاڑ کرنے کی سوچی سمجھی سازش، اسلام آباد: نااہل لیگ نے ملکی خزانے کو ہر طرح سے نقصان پہنچایا، چند روز پہلے ٹی وی پہ ہی موصوف غلط بیانیاں کرتے پکڑے گئے تھے۔ انہوںنے کہاکہ حکومت کی کرپشن کے حوالے سے ٹی وی پر پروپیگنڈا کرنے سے بہتر ہے عدالت جائیں۔