کراچی(عکس آن لائن)2022 میں آسٹریلین ٹیم کے دورہ پاکستان کیلئے سابق کینگرو آل راونڈر شین واٹسن اہمیت اختیار کر گئے ہیں کیونکہ وہ اس حوالے سے آسٹریلین کرکٹرز ایسوسی یشن کے صدر کی حیثیت سے اپنا اہم کردارنبھا سکتے ہیں۔واضح رہے کہ شین واٹسن ان چند آسٹریلین پلیئرز میں سے ایک ہیں جو گزشتہ تین سال سے پی ایس ایل میں شرکت کیلئے پاکستان آتے رہے ہیں اور انہوں نے عوامی سطح پر پاکستان کی سکیورٹی صورتحال پر برملا اطمینان ظاہر کیا تھااورانہیں حال ہی میں آسٹریلین کرکٹرز ایسوسی ایشن کا صدر منتخب کیاگیاہے۔
