قصور(نمائندہ عکس آن لائن)انسپکٹرجنرل آف پولیس پنجاب انعام غنی کے ویژن کے مطابق آر پی او شیخوپورہ ریجن ڈاکٹر انعام وحیدخان کاضلع قصورکا سرپرائز وزٹ،چا ر تھانوں کی انسپکشن کی،کرائم اور امن وامان کی صورتحال کا جائزہ لیا،
تھانوں کے ریکارڈ،حوالات اور فرنٹ ڈیسک پر پینڈنگ درخواستوں کا جائزہ لیا، اس موقع پر ڈی پی او قصورعمران کشور بھی انکے ہمراہ تھے۔تفصیلات کے مطابق ریجنل پولیس آفیسر شیخوپورہ ریجن ڈاکٹر انعام وحید خان نے ضلع قصور کا سرپرائز وزٹ کیا جس میں آر پی اوشیخوپورہ نے جرائم اور امن وامان کی صورتحال کاجائزہ لیا ، ڈی پی اوقصور عمران کشور نے اس حوالہ سے بریفنگ دی، آرپی او شیخوپورہ ریجن نے سٹی سرکل کے دوتھانوں اے ڈویژن ، بی ڈویژن جبکہ صدر سرکل کے دوتھانوں صدر قصور اور مصطفی آباد کے سرپرائز وزٹ کیے،
انہوں نے تھانہ جات کے وزٹ کے دوران حوالات، فرنٹ ڈیسک، مال خانہ، ریکارڈ روم، ایس ایچ او اور محرر آفس اور تمام تفتیشی افسران کے رومز کی صفائی کے انتظامات کو چیک کیا۔آر پی او شیخو پورہ ریجن نے کہاکہ سنگین جرائم کو کسی صورت برداشت نہیں کیا جائے گا،ایس ایچ او ز کریمنلز کی گرفتاری کیلئے بھرپور کاروائیاں کریں،اے کیٹگری کے اشتہاریوں کی گرفتاری کیلئے ہنگامی بنیادوں پر اقدامات اٹھائے جائیں۔
