لاہور(عکس آن لائن) نامور اداکارہ مومنہ اقبال نے کہا ہے کہ اپنے پہلے ڈرامے کی شوٹنگ کے دوران سب بھول گئی تھی اور ایک لفظ بھی نہ بول سکی ۔
ایک انٹر ویو میں اداکارہ نے بتایا کہ میں اپنے پہلے ٹیک کے لئے بہت پر جوش تھی لیکن جیسے ہی سامنے کیمرہ آیا تو سب بھول گئی اور ایک لفظ بھی نہ بول سکی۔انہوںنے کہا کہ میرا چہراسرخ ہوگیا تھا اور میں اپنی ایک لائن بھی نہیں کہہ پائی تھی ،
جس پر مجھے ہدایتکار نے کہا کہ جا کر اپنا چہرہ دھوئیں، پھر میں نے جا کر اپنا چہرہ ٹھنڈے پانی سے دھویا اور تھوڑا سا آرام کیا۔مومنہ اقبال نے انکشاف کیا کہ وہ اس کے بعد بھی سین مکمل نہیں کر پا رہی تھیں، لیکن نادیہ افگن نے صورتحال کو سنبھالا دیا۔
