اسلام آ باد (عکس آن لائن) صدرمملکت ڈاکٹر عارف علوی نے کہا ہے کہ میڈیا قومی تشخص اور سماجی اقدار کو فروغ دینے میں ضروری کردار ادا کرے تاہم صحت، تعلیم اورخواتین کے وراثتی حقوق جیسے مسائل پر شعوراجاگر کرنے پربھی زیادہ توجہ مرکوزکی جائے۔
وفاقی وزیر اطلاعات و نشریات شبلی فراز اور معاون خصوصی عاصم سلیم باجوہ سے ملاقات کے دوران بات چیت کرتے ہوئے صدر ڈاکٹر عارف علوی نے کہا کہ سوشل میڈیا بھی دور حاضر میں تبدیلی کااہم عنصر بنا ہے، قومی جذبے اور ہم آہنگی کو فروغ دینے کیلیے سوشل میڈیا کے مثبت کردار کو بروئے کار لانا وقت کی ضرورت ہے۔
