قصور(عکس آن لائن)محکمہ لائیوسٹاک وڈیری ڈویلپمنٹ نے دیہی مرغیوں اورپولٹری فارمرزکو ہدایت کی ہے کہ وہ ہر2ماہ بعد ایک مرتبہ اپنی مرغیوں کو رانی کھیت اورفال پاکس جیسی امراض سے بچانے کے لئے حفاظتی ٹیکے ضرورلگوائیں، تاکہ انہیں ماحولیاتی تبدیلیوں اور موسمی اثرات کے باعث کسی مالی نقصان کا سامنانہ کرناپڑے۔
محکمہ کے ترجمان نے بتایا کہ اس وقت صوبہ پنجاب میں 4کروڑ 55لاکھ56ہزار سے زیادہ دیہی مرغیاں موجودہیں۔انہوں نے کہا کہ محکمہ لائیوسٹاک کے حکام پولٹری فارمرزکی معاونت کے لئے ہمہ وقت دستیاب ہیں۔ انہوں نے کہا کہ حفاظتی ٹیکہ جات گھرکے قریب ویٹرنری ہسپتالوں یالائیوسٹاک ڈسپنسریوں سے لگوائے جاسکتے ہیں۔ انہوں نے بتایا کہ اس ضمن میں ایک ہیلپ لائن بھی قائم ہے لہذا پولٹری فارمرزصبح 9سے شام5بجے تک فری ہیلپ لائن پررابطہ کرکے مزیدمعلومات’ مشاورت یاراہنمائی حاصل کرسکتے ہیں۔
