اسلام آباد (عکس آن لائن)ترجمان الیکشن کمیشن نے کہا ہے کہ سینیٹ انتخابات آزادانہ اور منصفانہ کروانے کیلئے پوری طرح تیار ہیں۔الیکشن کمیشن کے مطابق کاغذات نامزدگی جمع کروانے کی تاریخ میں15 فروری تک توسیع امیدواروں کی سہولت کیلئے کی گئی جبکہ سینیٹ الیکشن کے لیے پولنگ 3 مارچ 2021 کو ہی ہو گی
ترجمان الیکشن کمیشن کا کہنا ہے کہ 12 فروری کو نیئر بخاری کے مراسلے میں تاریخوں اور دورانیے پر مشکلات کا اظہار کیا گیا تھا جبکہ 13 فروری کو حکومت سندھ کے نمائندے نے بھی ایسی ہی مشکلات اظہار کیا۔ترجمان الیکشن کمیشن کے مطابق الیکشن کمیشن کے کمپلینٹ مینجمنٹ سسٹم پر بھی شکایات موصول ہوئیں جس کے بعد کاغذات نامزدگی جمع کرانے کی تاریخ میں 15فروری تک توسیع کی گئی تاہم سینیٹ الیکشن کیلئے پولنگ 3 مارچ کو ہی ہو گی۔
ان کا کہنا ہے کہ غیر ضروری بیانات سے الیکشن کمیشن کے آئینی فرائض اور غیر جانبدارانہ حیثیت کو متنازع بنانے سے گریز کیا جائے۔
