اسلام آباد (عکس آن لائن)وفاقی وزیر اطلاعات و نشریات سینیٹر شبلی فراز نے کہا ہے کہ جارحیت کا شکار بچوں کے عالمی دن کے موقع پر دنیا کشمیری بچوں پر جاری بدترین ظلم و ستم کا نوٹس لے،
خوراک، ادویات،بچوں کیلئے دودھ تک نہیں پہنچ پارہا،قابض افواج کے جرائم پر انہیں کٹہرے میں کھڑا کیا جائے۔ جمعرات کو ایک بیان میں سینیٹر شبلی فرازنے کہاکہ انسانیت کے خلاف بھارتی جرائم میں کم سن بچوں کی قید اور ان کی شہادتیں عالمی ضمیر پر سوالیہ نشان ہیں۔
سینیٹر شبلی فراز نے کہاکہ پیلٹ گنز کے بے رحم استعمال نے بچوں کی بصارت چھین لی ہے۔ انہوںنے کہاکہ وادی جنت نظیر میں غیر انسانی اور تاریخ کا طویل ترین لاک ڈاؤن جاری ہے جہاں بچے بھی قید و بند کی صعوبتیں برداشت کر رہے ہیں۔ انہوںنے کہاکہ خوراک، ادویات،بچوں کیلئے دودھ تک نہیں پہنچ پارہا،قابض افواج کے جرائم پر انہیں کٹہرے میں کھڑا کیا جائے۔
