اسلام آباد(عکس آن لائن)علامہ اقبال اوپن یونیورسٹی نے سمسٹر بہار 2021ءمیں پیش کئے گئے میٹرک اور ایف اے پروگراموں میں داخل تمام طلباءو طالبات کے کوائف اپنی ویب سائٹ www.aiou.edu.pkپر فراہم کردئیے ہیں ۔ طلبہ اپنے داخلے کی تصدیق یونیورسٹی کی ویب سائٹ پر ایڈمشن انکوائری باکس کے ذیل میں ایڈمیشن کنفرمیشن لنک سے کرسکتے ہیں-اسی طرح اعتراض شدہ اور نامکمل داخلہ فارمز کی تفصیلات ایڈمشن انکوائری کے باکس کے ذیل میں ‘ایڈمیشن آبجکشن’ لنک سے حاصل کئے جاسکتے ہیں۔ڈائریکٹر شعبہ داخلہ کے مطابق جن امیدواروں کو داخلے کی تصدیق یا اعتراض شدہ اور نامکمل داخلہ فارمز کے لنک سے اپنے داخلے کے بارے میں کسی قسم کی معلومات حاصل نہ ہوں .
تو انہیں چاہئیے کہ فوری طور پر یونیورسٹی کی ویب سائٹ سے ڈوپلیکیٹ داخلہ فارم ڈاﺅن لوڈ کرکے علامہ اقبال اوپن یونیورسٹی کے شعبہ داخلہ بلاک نمبر 4 کے ایڈریس پر جلد از جلد ارسال کردیں-جاری طلبہ ڈوپلیکیٹ داخلہ فارم کے ساتھ صرف جمع شدہ فیس کی رسید کی فوٹوکاپی منسلک کریں جبکہ نئے طلبہ ڈوپلیکیٹ داخلہ فارم کے ساتھ اپنے تصدیق شدہ اسناد کی فوٹو کاپی اور ایک عدد پاسپورٹ سائز تصویر ارسال کریں۔ڈوپلیکیٹ داخلہ فارمز جمع کرانے کی آخری تاریخ 30۔اپریل ہے-جن امیدواروں کے داخلہ فارمز آخری تاریخ کے بعد موصول ہوں گے انہیں اگلے سمسٹر میں داخلہ دیا جائے گا اور ان کی جمع شدہ فیس کو ایڈجسٹ کیا جائے گا- داخلوں کے بارے میں مزید تفصیلات کے لئے طلبہ میٹرک پروگرام کے بارے میں 051-9057431 اور انٹر میڈیٹ پروگرام کے بارے میں 051-9057432 پر رابطہ کیا جاسکتا ہے۔
