اسلام آباد (عکس آن لائن)وزیر مملکت علی پرویز ملک نے کہا ہے کہ انکم ٹیکس معاملے پر آئی ایم ایف کو اپنا نقطہ نظر سمجھایا ہے۔وزیرِ مملکت برائے خزانہ علی پرویز ملک نے نجی ٹی وی سے بات چیت میں کہا کہ آئی ایم ایف کے ساتھ مذاکرات مثبت انداز میں جاری ہیں۔وزیر مملکت برائے خزانہ علی پرویز ملک نے کہا کہ پوری کوشش ہے کہ کم آمدن والے طبقے کو مہنگائی سے بچایا جائے۔انہوںنے کہاکہ وزیر ِ اعظم شہباز شریف نے ہدایت کی ہے کم آمدن والے طبقے کو ہر حال میں ریلیف دیا جائے۔علی پرویز ملک نے کہا کہ ٹیکس استثنیٰ کے مسئلے پر بھی آئی ایم ایف کو تجاویز دی ہیں۔وزیرِ مملکت برائے خزانہ نے کہا کہ آئی ایم ایف کے ساتھ بات چیت جاری رہے گی۔
