تہران(عکس آن لائن)ایران نے خبردار کیا ہے کہ امریکا کا اس کے سرکاری میڈیا کی ویب سائٹس پر قبضہ اور ضبطی ویانا میں جاری مذاکرات کے لیے کوئی تعمیری اقدام نہیں ہے۔میڈیارپورٹس کے مطابق ایرانی صدر کے دفتر کے ڈائریکٹرمحمود واعظی نے صحافیوں سے گفتگو کرتے ہوئے کہا کہ ہم امریکا کی اس غلط اورگم راہ کن پالیسی کی مذمت کیلیے تمام بین الاقوامی اور قانونی ذرائع بروئے کار لا رہے ہیں۔انھوں نے کہا کہ جب جوہری ایشو پرایک نئی ڈیل کے لیے مذاکرات جاری ہیں تو ایسے میں یہ اقدام بظاہر تعمیری نہیں ہے۔
