اسلام آباد (عکس آن لائن)وزارت صحت نے کہا ہے کہ ملک میں کورونا ویکسین کی آمد یکم فروری سے جاری ہے اور اب تک تقریبا 53 لاکھ ویکسین کی خوراکیں حاصل کرپائے ہیں۔ذرائع وزارت صحت کے مطابق اب تک تمام ویکسین کی 12 کھیپ اسلام آباد لائی گئیں، 10 لاکھ خوراکیں 29 اور 30 اپریل کو پہنچیں۔وزارت صحت کے ذرائع نے بتایا کہ پنجاب کو اب تک 15 لاکھ 51 ہزار سے زائد خوراکیں مہیا کی گئیں،سندھ کو 7 لاکھ 71 ہزار، کے پی کو 4 لاکھ 99ہزار خوراکیں دی گئی ہیں۔اس کے علاوہ آزاد جموں کشمیر کو 1 لاکھ 48 ہزار، اسلام آباد کو 1 لاکھ 46 ہزار 900، بلوچستان کو98 ہزار اور گلگت بلتستان کو 62 ہزار 500 ویکسین کی ترسیل کی گئی ہے۔
