میا نوالی(عکس آن لائن)ایم ایم روڈ ایمبولینس اور ٹرالر کے مابین حادثہ میں گاڑی کا گیس سلنڈر پھٹنے سے جل کر جاں بحق ایک ہی خاندان کے 8افراد کی اجتماعی نماز جنازہ ادا کر کے آبائی قبرستان میں سپردخاک کر دیا گیا۔ جب ان کے آبائی گاؤں کچہ سیال میں ایک ساتھ چار خواتین،2بچوں سمیت 8 افراد کے جنازے اٹھائے گے تو علاقہ میں کہرام مچ گیا اور ہر آنکھ اشکبار تھی۔
زرایع کے مطابق ایم ایم روڈ پر بھکر سے راولپنڈی جانے والی ایمبولینس ہیڈ پکہ کے مقام پر ٹرالر نیچے دھنس کر گیس سلنڈر پھٹ جانے کے باعث گاڑی میں آگ بھڑک اٹھنے سے جل کر ڈرائیور اور چار خواتین ، 2بچوں سمیت 9 افراد جاں بحق ہو گے۔جن میں کچہ سیال کے ایک ہی خاندان کے 7 افراد 80 سالہ مریضہ تاجو مائی کو ایمبولینس میں بھکر ہسپتال سے راولپنڈی علاج معالجہ کیلئے لے جایا جارہے تھے کہ حادچہ کا شکار ہوئے اور جل کر مریضہ کے ساتھ 50 سالہ مریداں بی بی، 40 سالہ محمد نوید، 35 سالہ محمد ندیم، 22 سالہ صباء بی بی، 18 سالہ جویریہ بی بی، 3 سالہ انشاء بی بی، 1 سالہ بچہ اور 45 سالہ ایمبولینس ڈرائیور غلام حسین جانبحق ہو گے جن کی معتیں میانوالی ہسپتال منتقل کر کے ضروری کاروائی کے بعد ان کے گھر پہنچائی گئی جہاں ایک ساتھ خاندان کے 8 جنازے اٹھائے گے جن علاقہ میں کہرام مچ گیا اور ہر آنکھ اشکبار تھی۔
متوفین کو اجتماعی نماز جنازہ کے بعد ایک دوسرے کے پہلوؤں میں آبائی قبرستان میں سپردخاک کر دیا گیا جبکہ ڈرائیور کو اس کے علاقہ میں سپردخاک کر دیا گیا۔ حادثہ کے شکار ٹرالر اور تباہ شدہ ایمبولینس کو پولیس تحویل میں لے کر مصروف کاروائی ہے۔
