چائنا انٹرنیشنل سپلائی چین ایکسپو عالمی سطح پر توجہ کا مرکز بن گئی ہے۔ چائنا میڈیا گروپ کے سی جی ٹی این نے دنیا کے انٹر نیٹ صارفین کے لیے ایک سروے کیا جس میں 79.5 فیصد شرکاء نے کہا کہ چین عالمی صنعتی اور سپلائی چین کا مضبوط محافظ اور معمار ہے۔
سروے کے مطابق 83.3 فیصد شرکاء نے کہا کہ چائنا انٹرنیشنل سپلائی چین ایکسپونے ثابت کیا کہ چینی مارکیٹ اور صنعتی چین عالمی کاروبار کے لیے کتنی پرکشش ہیں ۔ 82 فیصد شرکاء نے کہا کہ یہ ایکسپو عالمی صنعتی اور سپلائی چین کے استحاکم اور روانی کو برقرار رکھنے اور بین الاقوامی تجارتی تبادلے اور تعاون کو فروغ دینے کے لیے ایک قیمتی پلیٹ فارم فراہم کرتی ہے۔
66.8 فیصد شرکاء نے کہا کہ ایکسپو نے عالمی اے آئی ٹیکنالوجی اور صنعتی چین کے امتزاج کے لیے اہم بین الاقوامی تعاون اور تبادلے کا پلیٹ فارم قائم کیا ہے جب کہ 86.4 فیصد شرکاء نے کہا کہ چین مختلف ممالک کے ساتھ مل کر سب کے مفاد میں ترقی کے نئے ماڈل تخلیق کر رہا ہے جس سے ظاہر ہوتا ہے کہ چین ایک ذمہ دار بڑے ملک کے طور پر عالمی صنعتی اور سپلائی چین کے استحکام کے لیے کس قدر پرعزم ہے۔
یہ سروے سی جی ٹی این کے انگریزی، ہسپانوی، فرانسیسی، عربی اور روسی پلیٹ فارمز پر شائع کیا گیا، اور 24 گھنٹوں میں 4753 انٹر نیٹ صارفین نے اس میں حصہ لیا ۔
