لاہور(عکس آن لائن)قومی انڈر 19ایک روزہ کرکٹ ٹورنامنٹ کے دوران سنٹرل پنجاب کرکٹ ٹیم کے 2کھلاڑیوں پر جرمانہ عائد کر دیا گیا۔ابو حریرہ اور زین بن فاروق پر میچ فیس کا 50،50فیصد جرمانہ عائد کیاگیا۔دونوں کھلاڑیوں پر جرمانہ میچ کے دوران نامناسب زبان کا استعمال کرنے پر عائد کیا گیا۔
دونوں کرکٹرز کو پی سی بی ضابطہ اخلاق کی خلاف ورزی کرتے ہوئے لیول 2کے جرم کا مرتکب پایا گیا۔ابو حریرہ اور زین بن فاروق کو پی سی بی کوڈ آف کنڈکٹ کے آرٹیکل 2.21کی خلاف ورزی کرنے پر چارج کیا گیا۔دونوں کھلاڑیوں کی جانب سے اعتراف جرم کرنے پر میچ ریفری انعام اللہ نے جرمانے کی سزا سنائی ۔سنٹرل پنجاب اور ناردرن کے درمیان میچ رانا نوید کرکٹ اکیڈمی شیخوپورہ میں کھیلا گیا۔
