بیجنگ (نیوز ڈیسک)حالیہ دنوں روس کے صدر پیوٹن نے کہا کہ روس-چین اسٹریٹجک تعاون عالمی اسٹریٹجک استحکام کے ایک اہم ستون میں تبدیل ہو چکا ہے۔
پیر کے روز چین کی وزارت خارجہ کے ترجمان گوجیاکھون نے یومیہ پریس کانفرنس میں اس پر تبصرہ کرتے ہوئےکہا کہ حالیہ برسوں میں چینی صدر شی جن پھنگ اور روسی صدر پیوٹن کی اسٹریٹجک قیادت میں، چین-روس تعلقات اعلی سطحی ترقی برقرار رکھے ہوئے ہیں اور غیریقینی صورتحال کا شکار اس دنیا میں مضبوط استحکام فراہم کر رہے ہیں۔
چین، روس کے ساتھ ہمیشہ خوشگوار ہمسائیگی پر مبنی تعلقات، جامع اسٹریٹجک تعاون اور باہمی مفاد کی روح کو برقرار رکھنے اور مختلف شعبوں میں تعاون کو مسلسل بڑھانے کا خواہاں ہے تاکہ ایک زیادہ منصفانہ اور معقول عالمی حکمرانی کے نظام کی تعمیر کو فروغ دیا جائے۔
