بیجنگ (نیوز ڈیسک) چین کے وزیر خارجہ وانگ ای کی امریکی وزیر خارجہ مارکو روبیو فون پر بات چیت ہوئی ۔ فریقین نے چین-امریکہ تعلقات اور دونوں ممالک کے سربراہان مملکت کے درمیان باہمی رابطے پر تفصیلی تبالہ خیال کیا۔ بات چیت مثبت اور تعمیری رہی۔
وانگ ای نے کہا کہ صدر شی جن پھنگ کا ستمبر میں امریکہ کا دورہ کامیاب رہا، اور دونوں ممالک کے سربراہان نے مل کر چین-امریکہ تعلقات کی نئی پوزیشننگ کے مفہوم اور دائرہ کار کو مزید وسعت دینے پراتفاق کیا تھا ۔ انہوں نے کہا کہ چین-امریکہ تعلقات کی مستحکم صورتحال آسانی سے حاصل نہیں ہوئی، بلکہ یہ دونوں بڑی طاقتوں کا اپنے ذاتی اور مشترکہ مفادات کی بنیاد پر ایک دانشمندانہ فیصلہ ہے۔ چین کی امریکہ کے بارے میں پالیسی میں استحکام اور تسلسل برقرار رہے گا ۔
وانگ ای نے کہا کہ چین امریکہ کے ساتھ بات چیت اور تعاون بڑھانے، اختلافات اور حساس مسائل کو مناسب طریقے سے حل کرنے، 2026 کےاپیک رہنماؤں کے غیر رسمی اجلاس اور جی 20 سربراہ اجلاس کی کامیابی میں ایک دوسرے کی مدد کرنے، اور چین-امریکہ تعلقات میں تعمیری اور اسٹریٹجک استحکام سے مثبت نتائج حاصل کرنے کا خواہاں ہے۔
