اسلام آباد(عکس آن لائن)چیئرمین سینیٹ محمد صادق سنجرانی نے ٹورسٹ سفاری ٹرین کا افتتاح کر دیا۔اتوار کو ٹورسٹ سفاری ٹرین کی افتتاحی تقریب گولڑہ ریلوے اسٹیشن پر منعقد ہوئی،وزیر ریلویز اعظم خان سواتی بھی چیئرمین سینیٹ کے ہمراہ تھے۔اس موقع پر سینیٹر تاج محمد آفریدی، سینیٹر سجاد حسین طوری، مرزا محمد آفریدی، اورنگ زیب اورکزئی، نصیب اللہ بازئی،دلاور خان اور دیگر سیاسی و سماجی افراد کے علاوہ عوام کی بڑی تعداد گولڑہ ریلوے اسٹیشن پر موجود تھی۔ چیئرمین سینیٹ محمد صادق سنجرانی نے ٹورسٹ سفاری ٹرین کا افتتاح کیا ،
ٹورسٹ ٹرین ہر جمعہ ، ہفتہ اور اتوار کے روز سیاحوں کو گولڑہ اسٹیشن سے حسن ابدال، اٹک خورد اور اٹک سٹی و گردو نواح کے مقامات کی سیر کرائے گی،ٹورسٹ سفاری ٹرین حکومت کی جانب سے مقامی سیاحت کے فروغ کے لیے اہم قدم ہے۔تقریب سے خطاب کرتے ہوئے چیئر مین سینٹ نے کہاکہ سفاری ٹرین کا تصور اچھا ہے، تفریح اور سیاحت کا ذریعہ بن سکتا ہے۔
چیئر مین سینٹ نے کہاکہ پاکستان ریلوے ایک قیمتی اثاثہ ہے،ملک کے دیگر حصوں میں بھی اس ٹرین کو لے جایا جائے ۔ انہوںنے کہاکہ وفاقی وزیر برائے ریلوے محمد اعظم خان سواتی کی کاوشیں لائق تحسین ہیں۔ انہوںنے کہاکہ سفاری ٹرین کی بدولت تاریخی و ثقافتی ورثے کو اجاگر کرنے میں مدد ملے گی۔انہوںنے کہاکہ سیاحت کے فروغ میں پاکستان ریلوے کلیدی کردار ادا کر سکتا ہے۔ انہوںنے کہاکہ امید ہے مستقبل میں بھی ایسے اقدامات اٹھائے جائیں گے جس سے نہ صرف ادارے کو منافع بخش بنایا جائے بلکہ پاکستان کا مثبت تشخص اجاگر کرنے میں مدد ملے گی۔ چیئرمین سینیٹ ، وفد کے ارکان اور وفاقی وزیر برائے ریلوے اعظم خان سواتی کے ہمراہ میوزیم کا دورہ بھی کیا۔ چیئر مین سینٹ نے کہاکہ سب سے پہلے اعظم سواتی اور ان ہی ٹیم کو مبارکباد پیش کرتا ہوں۔
انہوںنے کہاکہ یہ پاکستان کے لیے اہم قدم ہے،ریلویز معیشت کے لیے ایک ریڑھ کی ہڈی ہے۔ انہوںنے کہاکہ سب دن رات محنت کر رہے ہیں،اس سے پاکستان کے عوام اور معیشت پر بڑا فرق پڑے گا،اس سے کرایے بھی کم ہوں گے اور ماحول پر بہتر اثر پڑے گا۔ انہوںنے کہاکہ سواتی صاحب نے بتایا کہ فریٹ ٹرین بھی شروع کر رہے ہیں،اس سے کم خرچ آمدورفت کی سہولت میسر آیے گی۔ انہوںنے کہاکہ ایک زمانے میں کوئٹہ سیمیرے گاوں تک میٹھا پانی بھی ریلوے پہنچاتا تھا،ریلوے کی ترقی پاکستان کی ترقی ہے،ریلوے کی ترقی کے لئے دعا کرتا ہوں۔
اعظم سواتی نے تقریب سے خطاب کرتے ہوئے کہا کہ ہم میں استطاعت موجود ہے،ہم نے دنیا کو تبدیل کیا ہے۔ انہوںنے کہاکہ میرا ترجیحی ایجنڈا ہے کہ ریلویز سے بدعنوانی کا خاتمہ کروں،ریلوے میں زیادہ تر اچھے افسر ہیں تاہم چند کالی بھڑیں ہیں،میں چن چن کر ان کالی بھیڑوں کا خاتمہ کروں گا۔ انہوںنے کہاکہ ہلد فریٹ ٹرین بھی شروع کریں گے۔ انہوںنے کہاکہ اگر ریلوے کو آگے بڑھانا ہے تو اس کو اللہ اور پاکستان کیلئے آ گے بڑھانا ہے۔ انہوںنے کہاکہ سیاحت وزیراعظم کے دل کے قریب ہے اس لیے آج کا شو کیا ،ریلوے جلد سیاحت میَ بہت بڑا کردار ادا کرے گا،آئندہ ہفتے عمران خان اور سفارت کار بحی یہاں آئیں گے،ہم چاہتے ہیں کہ دنیا کو علم ہو کہ ریلوے پاکستان کی معیثت اور معاشرت میَں کیا کردار ادا کر رہا ہے۔
