راولپنڈی(عکس آن لائن)آئی سی سی پاک بھارت ورلڈکپ میچ کیلئے راولپنڈی میں فین زون بنائے گی۔تفصیلا ت کے مطابق آئی سی سی ٹی 20ورلڈکپ کیلیے راولپنڈی میں بھی فین پارک کا اہتمام کرے گی، جہاں پر پاک بھارت میچ براہ راست دکھایا جائے گا۔
دونوں روایتی حریفوں کے درمیان میگا ایونٹ میں یہ مقابلہ 9جون کو نیویارک میں ہوگا تاہم پنڈی اسٹیڈیم میں آئی سی سی خصوصی فین پارک میں بڑی اسکرین پر یہ مقابلہ براہ راست دکھایا جائے گا، شائقین مقابلے کے ساتھ آئی سی سی ایمبیسڈرز سے ملاقات اور دوسری سرگرمیوں سے لطف اندوز بھی ہوسکیں گے۔آئی سی سی کی جانب سے پاک بھارت میچ کیلیے مختلف ممالک میں فین پارک کا انتظام کررہا ہے۔
