سرگودھا(عکس آن لائن)وزیراعلیٰ پنجاب عثمان بزدار کی معاون خصوصی برائے اطلاعات فردوس عاشق اعوان نے کہا ہے کہ ن لیگ کی گھٹی پر پلے سانپ زہریلے اڑدھے بن گئے ہیں۔معاون خصوصی وزیراعلی پنجاب فردوس عاشق اعوان نے میڈیا سے گفتگو کرتے ہوئے کہا کہ ان افسران پر گہری نظر ہے جنہوں نے ن لیگ کی خواہشات پر عمل کیا۔انہوں نے کہا کہ مسلم لیگ کی گھٹی پر پلنے والے زہریلے سانپ اڑدہے بن گئے ہیں، ضمنی انتخابات میں الیکشن کمیشن کا موثر کردار کہیں نظر نہیں آیا۔وزیراعلیٰ پنجاب کی معاون خصوصی فردوس عاشق اعوان نے کہا کہ بدمعاشی کی بھینٹ چڑھنے والے کارکنوں کے لوا حقین کے ساتھ کھڑے ہیں۔
انہوں نے کہاکہ ن لیگ کے بدمعاشوں نے دو حلقوں میں پر امن فضا کو پرتشدد بنایا، ن لیگ کی انتہاپسندی کی سوچ مخالف کو قبول نہیں کرتی۔فردوس اعوان نے کہا کہ پی ٹی آئی کے پولنگ ایجنٹ پر پہلے تشدد اور پھر فائرنگ کی گئی، جب سے الیکشن کا اعلان ہوا ریٹرننگ افسر نے صرف حکومت پر نظر رکھی۔انہوں نے کہا کہ الیکشن کمیشن نے دانستہ طور پر اپوزیشن کو کھلی چھوٹ دی، اس نے حزب اختلاف پر نظر نہیں رکھی۔اْنہوں نے رانا ثنا اللہ پر الزام لگایا کہ کے فائرنگ کے واقعات کے تانے بانے ان سے جڑے ہیں اور ان کے اشاروں پر پولنگ کے عملے کو دھمکیاں دی گئیںجن کی گاڑیوں میں اسلحہ تھا وہ فرار ہوگئے، اپوزیشن جماعت نے پولنگ روکنے کیلئے ہر حربہ استعمال کیا۔
