اسلام آباد (عکس آن لائن ) فریضہ حج کی ادائیگی کے بعد ایک لاکھ 22 ہزارسے زائد حجاج وطن واپس پہنچ گئے، 15 ستمبر تک حج کے بعد کا فلائٹ آپریشن مکمل کرلیا جائے گا۔
وزارت مذہبی امور کے ترجمان کے مطابق حج کے بعد شروع ہو نے والے فلائٹ آپریشن کے ذریعے اب تک 62 ہزار سرکاری جبکہ 60 ہزار پرائیویٹ سکیم کے حجاج کو وطن واپس پہنچادیا گیا ہے۔ اسی طرح مک المکرمہ سے حج کے بعد 52 ہزار سے زائد حجاج کرام کو مدینہ منورہ پہنچایا گیا ہے جو وہاں 8 روز کے قیام کے بعد وطن واپس روانہ ہوں گے۔
ترجمان کے مطابق جدہ اور مدینہ منورہ سے حاجیوں کی وطن واپسی کیلئے پروازیں جاری ہیں۔ سرکاری سکیم کے 19 ہزار حجاج مکہ میں جبکہ 42 ہزار مدینہ منورہ میں موجود ہیں۔ ملک کے 10 ہوائی اڈوں کے ذریعے حج فلائٹ آپریشن 15 ستمبر تک جاری رہے گا۔
