بیجنگ (نیوز ڈیسک)سربیا کے صدر الیگزینڈر ووچیچ کے دورۂ چین سے قبل 20 مئی کو بلغراد میں چائنا میڈیا گروپ کے تیار کردہ خصوصی پروگراموں “شی جن پھنگ کا ثقافت سے لگاؤ” اور “صدر شی کے خطوط” کی نشریات کی افتتاحی تقریب منعقد ہوئی۔
پروگرام “شی جن پھنگ کا ثقافت سے لگاؤ” میں شی جن پھنگ کی جانب سے ثقافتی ورثے کے تحفظ اور ترقی سے متعلق اہم ہدایات کو پیش کیا گیا ہے۔ اس بات کو اجاگر کیا گیا ہے کہ شی جن پھنگ “ثقافت کی خوشحالی سے ملک کی خوشحالی اور ثقافت کی مضبوطی سے قوم کی مضبوطی” کے تصور کو کس گہرائی سے دیکھتے ہیں، جبکہ ثقافتی ورثے سے ان کی وابستگی اور تاریخی و تہذیبی تسلسل کے تحفظ کے لیے ان کے وژن کو بھی نمایاں کیا گیا ہے۔
یہ پروگرام عالمی ناظرین کے سامنے شی جن پھنگ کے ثقافتی نظریات کے بنیادی نکات اور ان کی طرزِ حکمرانی کی گہری ثقافتی بنیادوں کی وضاحت کرتا ہے۔دوسرا پروگرام “صدر شی کے خطوط” مختلف ممالک کے فنکاروں اور نوجوانوں کے نام شی جن پھنگ کے خطوط، نیز ورلڈ سائنالوجسٹ کانفرنس کے نام ان کے تہنیتی پیغام جیسے مواد پر مشتمل ہے۔ پروگرام میں عوامی سطح پر دوستی کے فروغ، دلوں کو قریب لانے کی سفارتی سوچ اور نئے دور میں چین کے کھلے پن، شمولیت اور مشترکہ کامیابی پر مبنی ذمہ دار بڑی طاقت کی شبیہ کو اجاگر کیا گیا ہے۔
تقریب میں شریک چینی اور سرب شخصیات نے کہا کہ شی جن پھنگ کے پیش کردہ “انسانیت کے ہم نصیب معاشرے” کے تصور اور چار گلوبل انیشی ایٹوز نے دنیا کے لیے مشترکہ ترقی کا ایک روشن خاکہ پیش کیا ہے۔
