قصور (عکس آن لائن)موسم بہار اور خریف میں بہاریہ مکئی کی کاشت سے غلہ دار اجناس کی پیداوارمیں خاطرخواہ اضافہ کیاجاسکتاہے جبکہ بہاریہ موسم میں مکئی کی ترقی دادہ سنتھیٹک اوردوغلی اقسام کا اگلی فصل کے لئے شانداربیج آسانی سے تیار کرنے میں بھی مدد مل سکتی ہے لہذا کاشتکار فروری کے آخر تک بہاریہ مکئی کی کاشت مکمل کرلیں تاکہ انہیں اچھی پیداوار کا حصول یقینی ہوسکے۔
ترجمان محکمہ زراعت نے کاشتکاروں کے نام پیغام میں کہا کہ مکئی کی کاشت کے لئے بھاری میرازمین کاانتخاب کیاجائے جوپانی بخوبی جذب کرنے کی صلاحیت رکھتی ہو۔انہوں نے کہا کہ اگرڈرل یا پلانٹر کے ساتھ ہموارکھیت میں فصل کاشت کرنی ہو تو پھر ٹریکٹر کے ساتھ روٹیں بناکر 8 سے 10کلوگرام بیج کا ایک ایک دانہ مناسب فاصلہ پرلگاکر پانی لگائیں لیکن پہلا پانی لگانے میں احتیاط کریں۔
