بیجنگ(نیوز ڈیسک)حالیہ دنوں چائنا ایرواسپیس انوویشن کی تیار کردہ “لی شون۔1” کے اپر اسٹیج نے پروپلشن سسٹم کے متعدد تجربات مکمل کیے ہیں اور اس کی پہلی پرواز اگلے سال کی پہلی سہ ماہی میں متوقع ہے۔
اپر اسٹیج کو عام طور پر ایک “خلائی شٹل” کی طرح سمجھا جا سکتا ہے، جو راکٹ اور اس کے ذریعے خلا میں بھیجے جانے والے خلائی جہاز کے درمیان نصب ہوتا ہے۔ راکٹ انہیں خلا میں پہنچاتا ہے جبکہ سیٹلائٹ کو مقررہ مدار میں پہنچانے کا اگلا کام “اپر اسٹیج” انجام دیتا ہے۔
مسلسل کئی ماہ تک جاری رہنے والے تجربات کے دوران “لی شون۔1” اپر اسٹیج کے انجن کی مجموعی طور پر 5211 سیکنڈ تک اگنیشن آزمائش کی گئی۔ اس سے ظاہر ہوتا ہے کہ یہ اب پرواز کے تجربات کے مرحلے میں داخل ہونے کی شرائط پوری کر چکا ہے۔
یہ اپر اسٹیج پے لوڈ کی صلاحیت میں اضافے سمیت متعدد اہم جدتوں کے ذریعے چین میں درمیانے درجے کے تجارتی و سول راکٹس کے ذریعے متعدد سیٹلائٹس کی تعیناتی اور گہرے خلائی تحقیق کے شعبوں میں موجود بعض خلا کو پُر کرے گا۔
