لاہور (خصوصی نامہ نگار) لاہور پولو کلب میں اتوار 15 نومبر 2026 کو سعد احسان ریزیڈنسی اینڈ سٹیزن شپ کے زیرِ اہتمام ’’سعد احسان ریزیڈنسی اینڈ سٹیزن شپ پولو کپ 2026‘‘ کا شاندار انعقاد کیا گیا۔ ایونٹ میں کھیلوں سے وابستہ شخصیات، معزز مہمانوں اور پولو کے شائقین نے بھرپور شرکت کی۔
ٹورنامنٹ کے دوران پی بی اور دین/ایس کیو کی ٹیموں کے مابین دلچسپ اور سنسنی خیز مقابلہ دیکھنے میں آیا۔ دونوں ٹیموں کے کھلاڑیوں نے بہترین مہارت، پیشہ ورانہ صلاحیتوں اور کھیل کے اعلیٰ معیار کا مظاہرہ کیا۔ مقابلے کے اختتام پر پی بی کی ٹیم نے 9 گول اسکور کرکے 8.5 گول کے مقابلے میں کامیابی حاصل کر لی۔
اس موقع پر چیئرمین سعد احسان ریزیڈنسی اینڈ سٹیزن شپ سعد احسان خالق نے کھلاڑیوں کی کارکردگی کو سراہتے ہوئے کہا کہ کھیلوں کا فروغ صحت مند معاشرے کی تشکیل اور نوجوانوں میں مثبت سرگرمیوں کے فروغ کے لیے انتہائی اہم ہے۔
تقریب کے اختتام پر چیئرمین سعد احسان خالق نے فاتح کھلاڑیوں میں ٹرافیاں تقسیم کیں اور انہیں کامیابی پر مبارک باد پیش کی۔ تقریب خوشگوار ماحول میں اختتام پذیر ہوئی