بیجنگ (نیوز ڈیسک) چائنا میڈیا گروپ کے تیار کردہ خصوصی پروگرامز “شی جن پھنگ کا ثقافت سے لگاؤ” اور “صدر شی کے خطوط” کے بین الاقوامی ایڈیشنز اپیک کی رکن معیشتوں کے مین اسڑیم میڈیا پلیٹ فارمز پر نشر ہونا شروع ہوگئے ہیں۔
پروگرام “شی جن پھنگ کا ثقافت سے لگاؤ” کے بین الاقوامی ایڈیشن میں صدر شی جن پھنگ کی جانب سے چینی ثقافت کی عمدہ روایات کے ورثے کو آگے بڑھانے اور اس کی ترقی کو فروغ دینے کے لیے دی جانے والی خصوصی اہمیت، ذاتی منصوبہ بندی اور عملی کوششوں کی کہانی پیش کی گئی ہے۔ پروگرام میں صدر شی جن پھنگ کے گہرے ثقافتی جذبات، چینی تہذیبی ورثے کے تسلسل کو برقرار رکھنے اور ثقافتی خود اعتمادی کو مضبوط بنانے کے حوالے سے ان کی گہری سوچ کو اجاگر کیا گیا ہے۔
پروگرام “صدر شی کے خطوط” کے بین الاقوامی ایڈیشن میں صدر شی جن پھنگ کی جانب سے متعدد بین الاقوامی دوستوں، فنکاروں، نوجوانوں اور دیگر افراد کو لکھے گئے جوابی خطوط کا انتخاب پیش کیا گیا ہے۔ صدر شی جن پھنگ نے اپنے خطوط میں مزید بین الاقوامی دوستوں کی حوصلہ افزائی کی ہے کہ وہ افرادی و ثقافتی تبادلوں کے ذریعے چین کو سمجھیں اور چین کو محسوس کریں، باہمی سمجھ بوجھ اور اعتماد میں اضافہ کریں اور ایک دوسرے کو جاننے اور سمجھنے کو فروغ دیں۔
سی پی سی کی مرکزی کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے امید ظاہر کی یہ دونوں پروگرام خطے کے ناظرین کو صدر شی جن پھنگ کی طرز حکمرانی کی دانش کو مزید گہرائی سے سمجھنے، نئے عہد میں چین کی ترقی کے مختلف پہلوؤں کو جاننے اور چینی ثقافت کی وسعت و ہمہ گیری کو محسوس کرنے میں مدد دیں گے۔