بیجنگ (نیوز ڈیسک)چینی عوام کی جاپانی جارحیت کے خلاف مزاحمتی جنگ کے آغاز کی 89ویں برسی سے قبل، جاپانی جارح افواج کی یونٹ 731 کے جرائم کے حوالے سے میوزیم نے “کوانتونگ آرمی کیمیکل ڈیپارٹمنٹ کی ذاتی معلوماتی رپورٹ” عوام کے لیے جاری کر دی ہے۔
دستاویزات کے مطابق، کوانتونگ آرمی کے کیمیکل ڈیپارٹمنٹ نے 1939 میں صوبہ ہیلونگ جیانگ کے شہر چی چی ہار میں اپنا مرکز قائم کیا تھا، جسے “منچوریا یونٹ 516″کے نام سے بھی جانا جاتا تھا۔ یہ چین کے محاذ پر جاپانی جارح افواج کی ایک خصوصی کیمیائی فوجی یونٹ تھی، جس نے اعصابی، جلد کو تباہ کرنے والی، دم گھونٹنے والی اور زہریلی گیسوں سمیت مختلف اقسام کے کیمیائی ہتھیار تیار کیے۔
میوزیم کے ڈائریکٹر جن چھنگ مِن نے کہا کہ تاریخی دستاویزات کی ترتیب اور تحقیق سے یہ بات مکمل طور پر ثابت ہوتی ہے کہ چین کے خلاف جاپان کی کیمیائی جنگ ایک پیشگی منصوبہ بندی، منظم اور مکمل ریاستی ڈھانچے کے تحت کیا جانے والا جرم تھا۔ انہوں نے کہا کہ ہر جرم کے پیچھے اوپر سے نیچے تک تنظیمی فیصلے اور ریاستی نظام کی پشت پناہی موجود تھی، اور یہ کسی ایک یا چند فوجیوں کا ذاتی فعل ہرگز نہیں تھا۔
