بیجنگ (نیوز ڈیسک) اطلاعات کے مطابق، جاپانی حکومت کے حالیہ جاری کردہ اعدادوشمار کے مطابق جاپان کے عسکری سازوسامان کے آرڈر کی مالیت پچھلے 5 سال میں تین گنا بڑھ گئی ہے، اور یہ 2025 کے مالی سال کے سرکاری عوامی ضروریات سے متعلق آرڈرز کا نصف حصہ ہے۔ ان آرڈرز میں زمین سے فضاء تک مار کرنے والے میزائل، ہوائی جہاز اور دیگر عسکری ساز و سامان میں اضافے نے آرڈرز کی کل مالیت کو بڑھا دیا ہے۔
جمعہ کے روز چینی وزارت خارجہ کی ترجمان ماؤ ننگ نے یومیہ پریس کانفرنس میں اس حوالے سے ایک سوال کا جواب دیتے ہوئے کہا کہ جاپان کا ملٹری انڈسٹریل کمپلیکس دوبارہ فعال ہو گیا ہے اور تیزی سے کام کر رہا ہے۔یہ تیز رفتاری جاپان کی “دوبارہ عسکریت پسندی” کی جانب جانے کی ایک اور نمایاں علامت ہے۔ ترجمان نے کہا کہ کیا جاپان تاریخ کی غلطیاں دہرانا چاہتا ہے اورعسکریت پسندی کی پرانی راہ پر چلنا چاہتا ہے؟انہوں نے کہا کہ اس حوالے سے جاپانی عوام سمیت پوری دنیا کے امن پسند لوگوں کو انتہائی چوکنا رہنے کی ضرورت ہے۔
