بیجنگ (نیوز ڈیسک) چین کی وزارتِ خزانہ نے سرکاری خریداری کی سرگرمیوں میں بعض امریکی کمپنیوں کے خلاف اقدامات کے حوالے سے ایک نوٹس جاری کیا۔
نوٹس کے مطابق متعلقہ قوانین و ضوابط ، اور منظوری کے بعد سرکاری خریداری کی سرگرمیوں میں 46 امریکی کمپنیوں کے خلاف مخصوص اقدامات نافذ کیے جائیں گے۔اس فہرست میں لاک ہیڈ مارٹن، ریتھیون میزائلز اینڈ ڈیفنس اور جنرل اٹامکس ایروناٹیکل سسٹمز سمیت 46 امریکی کمپنیاں شامل ہیں۔
نوٹس کے مطابق چین کے سرکاری ادارے اور خریداری کرنے والے ادارے سرکاری خریداری کی سرگرمیوں میں ان 46 امریکی کمپنیوں کی تیار کردہ مصنوعات نہیں خرید سکیں گے۔ تاہم چین میں قائم امریکی سرمایہ کاری والے ادارے اس پابندی کے دائرۂ کار میں شامل نہیں ہوں گے۔وزارتِ خزانہ نے واضح کیا کہ یہ فیصلہ نوٹس کے اجراء کی تاریخ سے فوری طور پر نافذ العمل ہوگا۔
