ما سکو (نیوز ڈیسک) روس کی فیڈریشن کونسل کی چیئر پرسن ویلنٹینا ماتویینکو اور ریاستی ڈوما کے چیئرمین ویاچسلاؤ ولوڈن کی دعوت پر چین کی قومی عوامی کانگریس کی ا سٹینڈنگ کمیٹی کے چیئرمین چاؤ لہ جی نے 27 سے 30 مئی تک روس کا سرکاری دوستانہ دورہ کیا۔ پیر کے روز ماسکو میں انہوں نے بالترتیب ویلنٹینا ماتویینکو اور ویاچسلاؤ ولوڈن کے ساتھ ملاقات کی اور چین روس پارلیمانی تعاون کمیٹی کے گیارہویں اجلاس میں شرکت کی۔
انہوں نے کہا کہ دونوں ممالک کے قانون ساز اداروں کو سربراہان مملکت کی سفارت کاری کو رہنما اصول کے طور پر اپناتے ہوئے، صدور کے درمیان طے پانے والے اہم اتفاق رائے، دونوں جانب سے دستخط کردہ تعاون کی دستاویزات، اور طے شدہ بڑے منصوبوں کے عملی نفاذ کو یقینی بنانا چاہیے۔ ان کا کہنا تھا کہ دو طرفہ تعاون کے لیے فائدہ مند قانونی دستاویزات کو بروقت منظور اور ان پر عملدرآمد کو یقینی بنایا جا نا چاہیے، اور ایک شفاف، منصفانہ اور مستحکم کاروباری ماحول پیدا کیا جانا چاہیے۔
چاؤلہ جی کا کہنا تھا کہ “چین روس تعلیمی سال” جیسی سرگرمیوں میں فعال طور پر حصہ لیا جانا چاہیے، اور ثقافتی تبادلوں کو گہرا کیا جانا چاہیے ۔ مقامی قانون ساز اداروں کے فعال کردار کو بروئے کار لاتے ہوئے، مقامی تعاون کو بڑھانے کے لیے تجاویز اور کوششیں کی جانی چاہئیں ، بین الاقوامی پارلیمانی یونین جیسے کثیرالجہتی میکانزم میں ہم آہنگی اور بین الاقوامی انصاف اور مساوات کو فروغ دیا جا نا چاہیے ۔
