بیجنگ (نیوز ڈیسک) چینی وزارت خارجہ کے ترجمان لن جیئن نے ہیروشیما ایٹم بم حملے کی 81 ویں برسی پر تبصرہ کرتے ہوئے کہا کہ جوہری ہتھیاروں کی وجہ سے پیدا ہونے والی آفات اور سانحات کو نہیں دہرایا جانا چاہیے، ایٹم بم کے مخصوص پس منظرکو یاد رکھا جانا چاہیے اور جاپانی عسکریت پسندوں کی جارحیت کے اسباق سیکھنا چاہیے۔
طویل عرصے سے، جاپان میں دائیں بازو کی قوتیں تاریخی حقائق کو مسخ کرتے ہوئے بین الاقوامی ہمدردی حاصل کرنے کے لیے “جوہری بم کے متاثرین” کی شناخت کا سیاسی استحصال کر رہی ہیں اور جان بوجھ کرہمسایہ ممالک کے خلاف جاپان کی جارحیت سے ہونے والی کروڑوں ہلاکتوں کو کم کرکے اپنے جرائم کو صاف کرنے کی کوشش کر رہی ہیں۔
ترجمان نے زور دے کر کہا کہ اس سال ٹوکیو ٹرائلز کے آغاز کی 80 ویں سالگرہ ہے۔ تاریخ کا مقدمہ ابھی ختم نہیں ہوا۔ جاپان کو جوہری ہتھیاروں کے عدم پھیلاؤ کے حوالے سے اپنی بین الاقوامی قانونی ذمہ داریوں کو حقیقی معنوں میں پورا کرنا چاہیے اورتاریخ کے ملزم کی نشست کی طرف دوبارہ بڑھنے سے گریز کرنا چاہیے۔
