نیو یا رک (عکس آن لائن) چینی وزیر خارجہ وانگ ای نے نیویارک میں اقوام متحدہ کے ہیڈکوارٹر میں”گلوبل ڈیولپمنٹ انیشیٹو سپورٹنگ دی گلوبل ساؤتھ – چائنا ان ایکشن” کے موضوع پر لانچ تقریب میں شرکت کی۔ 79ویں اقوام متحدہ کی جنرل اسمبلی کے صدر فلیمون، اقوام متحدہ کے ڈپٹی سیکریٹری جنرل لی جون ہوا اور لاؤس، کمبوڈیا، ایتھوپیا، برونڈی، یوگنڈا، برکینا فاسو، ڈومینیکا اور کیوبا سمیت 20 سے زائد ممالک کے وزارتی حکام نےتقریب میں شرکت کی۔
وانگ ای نے اپنی تقریر میں کہا کہ گلوبل ڈویلپمنٹ انیشیٹو چینی تجاویز سے بین الاقوامی اتفاق رائے اور تعاون کے تصورات سے مشترکہ اقدامات میں تبدیل ہو گیا ہے، جو پائیدار ترقی کے لیے اقوام متحدہ کے 2030 ایجنڈے کے نفاذ میں چینی حل فراہم کرتا ہے۔
عالمی جدیدیت میں کوئی بھی ملک پیچھے نہیں رہ سکتا، اور “گلوبل ساؤتھ” میں ممالک کی ترقی اور احیاء کی حمایت کرنا گلوبل ڈویلپمنٹ انیشیٹو کی ترجیحی سمت ہے۔ ہم تمام فریقوں کے ساتھ گلوبل ڈویلپمنٹ انیشیٹو پر تعاون کو گہرا کرنے، 2030 کے ایجنڈے پر عمل درآمد کو تیز کرنے اور جدید کاری کے نتائج کو ہر ملک اور ہر ایک کے لیے فائدہ مند بنانے کے لیے تیار ہیں۔ 79 ویں اقوام متحدہ کی جنرل اسمبلی کے صدر فلیمون نے کہا کہ چین کے گلوبل ڈویلپمنٹ انیشیٹو نے مضبوط قیادت کا مظاہرہ کیا ہے اور “گلوبل ساؤتھ” کے ممالک کے لیے ایک نئی راہ فراہم کی ہے جو کہ بہت اہمیت کی حامل ہے
