لاہور(عکس آن لائن ) نامور گلوکارہ سائرہ نسیم نے کہا ہے کہ دلی خواہش اوردعاہے کہ پاکستان کی فلم انڈسٹری جلددوبارہ عروج حاصل کرے اور اس سے وابستہ تمام لوگ خوشحال اور آسودہ ہوں ، گائیکی میری زندگی کالازمی جزو ہے اور جب تک میری سانسیں ہیں میں گاتی رہوں گی ۔ ایک انٹر ویو میں سائرہ نسیم نے کہا کہ جب تک کوئی کام آپ کا جنون نہیں بنتا تب تک آپ کامیابی حاصل نہیں کر سکتے ۔
جب آپ کسی شعبے کوانتہائی لگن اورمحنت سے اپنے کئی سال دیں تو اس سے محبت ہو جاتی ہے ۔ میں کبھی سوچ بھی نہیں سکتی کہ موسیقی کو خود سے الگ کروں بلکہ یہ میرے لئے سانسیں ہیں ۔ سائرہ نسیم نے کہا کہ خدارا فلم انڈسٹری کے لوگ الگ الگ سمت میں چلنے کی بجائے ایک پلیٹ فارم پر جمع ہوں اور اس کی بہتری کے لئے سوچیں۔