اسلام آباد(عکس آن لائن ) وفاقی وزیر امور کشمیر و گلگت بلتستان علی امین خان گنڈاپور نے برہان وانی اور تمام کشمیری شہداءکو زبردست خراجِ عقیدت پیش کرتے ہوئے کہا ہے کہ برہان وانی شہید حق خودارادیت کی جدو جہد کے حوالے سے کشمیری نوجوانوں کے لیے مشعل راہ ہے، برہان وانی جیسے لاکھوں کشمیری نوجوان حق خودارادیت کے لیے ہر قسم کی قربانی دینے کے لیے تیار ہیں۔ جمعرات کو اپنے بیان میں علی امین گنڈاپور نے کہا مقبوضہ کشمیر میں بھارتی ریاستی دہشتگردی بے دریغ جاری ہے، بھارتی افواج کشمیری نوجوانوں کو نام نہاد سرچ آپریشنز میں شہید کر رہی ہے۔ علی امین گنڈاپور نے کہا عالمی مزمت کے باوجود بھارتی افواج کشمیری عوام کے خلاف پیلٹ گن کا استعمال کر رہی ہے، عالمی برادری مقبوضہ کشمیر کی ڈیموگرافی تبدیل کرنے کے بھارتی ہتھکنڈوں کا نوٹس لے، مسئلہ کشمیر کا حل اقوام متحدہ کی قراردادوں کے مطابق ہی ممکن ہے، پاکستان کشمیریوں کے حقوق کی آواز پوری دنیا میں بلند کرنے کا سلسلہ جاری رکھے گا۔
مزید پڑھیں
Load/Hide Comments
Recent Posts
- چینی حکومت کی غزہ کے لیے دو امدادی کھیپیں مصر پہنچ گئیں
- چین اور گیبون کی روایتی دوستی وقت کے ساتھ مزید مضبوط ہوئی ہے، چینی صدر
- جناح ہاوس حملہ کیس،علیمہ اور عظمی خان سمیت 34 ملزمان کی عبوری ضمانتوں میں توسیع
- آئی ایم ایف بورڈ نے 29 اپریل تک کا شیڈول جاری کردیا، پاکستان ایجنڈے میں شامل نہیں
- قومی اسمبلی اجلاس ، جمشید دستی اورمحمد اقبال خان کی رکنیت معطل