اسلام آباد(عکس آن لائن)قومی احتساب بیورو(نیب) نے وزارت خارجہ کے افسران کیخلاف ریفرنس دائر کرنے کی منظوری دےدی‘سابق وفاقی وزیر اکرام خان درانی اور آصف زرداری کی پولیٹیکل سیکرٹری رخسانہ بنگش کیخلاف انکوائری کی بھی منظوری ‘وزارت مذہبی امور کے افسران اور فیڈرل بورڈ آف ریونیو کیخلاف شکایات کی جانچ پڑتال کی منظوری دےدی گئی۔
چیئرمین نیب جسٹس (ر)جاوید اقبال کی زیرصدارت نیب ایگزیکٹو بورڈ کا اجلاس ہوا،جس میں وزارت خارجہ کے افسروں کیخلاف ریفرنس دائرکرنے کی منظوری دے دی گئی۔ملزموں پرجکارتہ میں پاکستان سفارت خانے کی عمارت فروخت کرکے قومی خزانے کو نقصان پہنچانے کا الزام ہے۔
نیب اجلاس میں سابق وفاقی وزیر اکرام خان درانی اور آصف زرداری کی پولیٹیکل سیکریٹری رخسانہ بنگش کیخلاف انکوائری کی بھی منظوری دے دی گئی۔اجلاس میں وزارت مذہبی امور کے افسران اور فیڈرل بورڈ آف ریونیو کیخلاف شکایات کی جانچ پڑتال کی منظوری دے دی گئی۔
