اسلام آ باد (عکس آں لائن ) پاکستان مسلم لیگ (ن) کے صدر اور قائد حزب اختلاف شہبازشریف نے کوئٹہ اور تربت میں ایف سی پر دہشت گرد حملوں کی شدید مذمت کرتے ہوئے ایف سی کے شہداکو خراج عقیدت،شہدا کے اہل خانہ سے دلی تعزیت اور ہمدردی کا اظہار کیا اور کہا کہ ارض وطن کی سلامتی پر قربان ہوجانے والے بیٹوں پر فخر ہے ،بلوچستان میں بدامنی کے بڑھتے واقعات باعث تشویش ہیں ،امن وامان کی موجودہ صورتحال سنجیدگی سے غور کا تقاضا کررہی ہے ۔شہبازشریف نے ایف سی کے زخمی جوانوں کے جذبے کی تحسین، جلد صحت یابی کی دعا کی اللہ تعالی شہداء کو بلند مرتبہ اور لواحقین کو صبرجمیل دے۔ آمین
