راولپنڈی(عکس آن لائن)قبائلی ضلع شمالی وزیرستان میں پاک فوج کی جانب سے انٹیلی جنس معلومات کی بنیاد پر کارروائی کے نتیجے میں 5 دہشت گرد مارے گئے ، فائرنگ کے تبادلے میں 2 جوان شہید ہوگئے پاک فوج کے شعبہ تعلقات عامہ (آئی ایس پی آر) کے جاری کردہ بیان کے مطابق سیکیورٹی فورسز نے شمالی وزیرستان کے علاقے دتہ خیل میں دہشت گردوں کی پناہ گاہ میں موجودگی کی خفیہ اطلاع پر کارروائی کی۔
کارروائی کے دوران سیکیورٹی فورسز اور دہشت گردوں کے درمیان فائرنگ کا تبادلہ ہوا جس میں 5 دہشت گرد مارے گئے۔فائرنگ کے تبادلے میں سپاہی اسد خان اور سپاہی محمد شمیم شہید ہوئے۔
