جدہ (عکس آن لائن)سعودی عرب ادارہ انسداد منشیات کا کہنا ہے کہ جدہ میں تین پاکستانیوں کومنشیات رکھنے کے الزام میں گرفتار کیا گیاہے۔ تفصیلات کے مطابق گرفتارملزمان کے قبضے سے 500 گرام ہیروئن اور7 کلوگرام نشہ آورمادہ’الشبو‘ برآمد ہوا۔
محکمہ انسداد منشیات کے ترجمان نے بتایا کہ کہ ادارے کی مخصوص ٹیموں نے ملزمان کی نشاندہی کرنے کے بعد انہیں حراست میں لے لیا ہے۔گرفتار ملزمان وزٹ ویزے پرمملکت میں مقیم تھے۔ مزمان سے مزید تفتیش کی جارہی ہے بعدازاں انہیں پراسیکیوشن کے حوالے کیاجائے گا جہاں سے ان کا کیس مکمل کرنے کے بعد فوجداری عدالت میں ارسال کیا جائے گا۔
