نئی دہلی (عکس آن لائن)بھارت کی مایہ ناز اداکارہ انوشکا شرما اور بھارتی کرکٹر ویرات کوہلی کے ہاں بیٹی کی پیدائش ہوئی ہے ۔ پیر کو ویرات کوہلی نے اپنے انسٹاگرام اکاؤنٹ پر جاری پوسٹ میں ننھی پری کی آمد کی اطلاع دی۔انہوں نے بتایا کہ میں یہ اعلان کرتے ہوئے پرجوش ہوں کہ دوپہر ہمارے ہاں بیٹی کی پیدائش ہوئی ہے، انوشکا اور بچی دونوں خیریت سے ہیں۔انہوں نے لکھا کہ آپ کی نیک تمناؤں، پیار اور دعاؤں کا شکرگزار ہوں۔ویرات کے مطابق انوشکا اور میں اپنی زندگی کی اس نئے سفر پر بے حد خوش ہیں ویرات نے کہا کہ مجھے امید ہے کہ آپ سب اس وقت ہماری پرائیویسی کا خیال رکھیں گے۔خیال رہے کہ انوشکا اور ویرات 2017 میں شادی کے بندھن میں بندھنے تھے، شادی کے کچھ عرصے بعد سے ہی متعدد مرتبہ انوشکا شرما کے حاملہ ہونے کی افواہیں زیر گردش رہیں جسے انہوں نے مسترد بھی کیا تھا تاہم گزشتہ برس 27 اگست کو ویرات کوہلی اور انوشکا شرما نے سوشل میڈیا اکاؤنٹس پر اپنے مداحوں کو یہ خوشخبری سنائی کہ’اور پھر ہم 3 ہونے جارہے ہیں۔
