بڈا پسٹ (عکس آن لائن) ہنگری کے سرکاری دورے کے موقع پر چینی صدر شی جن پھنگ کا ایک مضمون ہنگری کے اخبار” ہنگری نیشن” میں بدھ کے روز شائع ہوا جس کا عنوان ہے “چین ہنگری تعلقات کو ‘گولڈن چینل’ میں لے جانے کے لیے مل کر کام کرنا” ۔
اپنے مضمون میں شی جن پھنگ نے کہا کہ اس سال چین اور ہنگری کے درمیان سفارتی تعلقات کے قیام کی 75 ویں سالگرہ ہے۔ سفارتی تعلقات کے قیام کے بعد سے گزشتہ 75 سالوں کے دوران، دونوں فریق باہمی احترام، مساوات،جیت جیت تعاون اور باہمی فائدے پر قائم ہیں ، اور مسلسل بدلتی ہوئی بین الاقوامی صورتحال میں دوسرے ممالک کے ساتھ آزادانہ اور دوستانہ تبادلوں کے صحیح راستے پر گامزن ہیں. فریقین نے اعلیٰ سطح کے سیاسی باہمی اعتماد کو قائم کیا ہے اور دوطرفہ تعلقات تاریخ کے بہترین دور میں داخل ہوئے ہیں۔
شی جن پھنگ نے نشاندہی کی کہ اس وقت چین اور ہنگری دونوں اپنی اپنی ترقی کے ایک اہم دور میں ہیں۔ انہیں امید ہے کہ اس دورے کے ذریعے ہنگری کے ساتھ روایتی دوستی کی تجدید کی جائے گی ، باہمی فائدہ مند تعاون کو گہرا کیا جائے گا اور چین ہنگری جامع اسٹریٹجک شراکت داری کو نئی بلندیوں پر لے جایا جائے گا ۔
صدر شی نے کہا کہ ہمیں روایتی دوستی کو بروے کار لاتے ہوئے دوطرفہ تعلقات کی سیاسی بنیاد کو مستحکم کرنے اور ایک دوسرے کے بنیادی مفادات کی مضبوطی سے حمایت کرنے کی ضرورت ہے۔ ترقیاتی حکمت عملیوں کی ہم آہنگی کو مضبوط بنائیں، عملی تعاون کے نئے شعبوں کی تخلیق کریں، اور ایک دوسرے کی اعلیٰ معیار کی ترقی کی خدمت کریں. ہم عوامی اور ثقافتی تبادلوں کو وسعت دیتے رہیں گے اور دوطرفہ تعلقات میں عوام کی بنیاد کو مضبوط بنائیں گے۔
ہم مشترکہ طور پر علاقائی تعاون کی قیادت کریں گے، چین-یورپی یونین تعلقات کی صحیح سمت کی پاسداری کریں گے، اور چین- وسطی و مشرقی یورپ تعاون کو گہرا اور مستحکم کرنے کی قیادت کریں گے. بین الاقوامی امور پر تبادلوں کو مضبوط بنائیں گے، عالمی چیلنجوں سے نمٹنے کے لئے مل کر کام کریں گے، اور عالمی امن کے تحفظ اور مشترکہ ترقی کو فروغ دینے میں مزید مثبت توانائی پیدا کریں گے۔
