ہنو ئی(عکس آن لائن) کمیونسٹ پارٹی آف چائنا کی مرکزی کمیٹی کے جنرل سیکریٹری اور چین کے صدر شی جن پھنگ اور ان کی اہلیہ پھنگ لی یوان نے ہنوئی میں ویتنام کی کمیونسٹ پارٹی کی مرکزی کمیٹی کے جنرل سیکریٹری نگوین فو ٹرونگ اور ان کی اہلیہ کے ساتھ چین اور ویتنام کے نوجوانوں کے نمائندوں اور دوستانہ شخصیات سے ملاقات کی۔
اپنے خطاب میں شی جن پھنگ نے اس بات پر زور دیا کہ چین ویتنام دوستی کی بنیاد عوام میں ہے اور مستقبل نوجوانوں میں ہے۔ انہوں نے دونوں ممالک کے نوجوانوں کے لیے تین امیدوں کا اظہار کیا۔پہلی یہ کہ وہ چین ویتنام دوستی کے وارث بنیں گے، دوسری یہ کہ وہ ایشیا بحرالکاہل کے خطے کی بحالی میں حصہ لیں گے اور تیسری یہ کہ وہ بنی نوع انسان کی ترقی کے علمبردار کا کردار ادا کریں گے۔
ملاقات میں شریک چین اور ویتنام کے نوجوان نمائندوں اور دوستانہ شخصیات کا کہنا تھا کہ جنرل سیکریٹری شی جن پھنگ کے خطاب سے انہیں چین ویتنام دوستی کو آگے لے جانے میں حوصلہ افزائی ملی ہے۔”کامریڈ پلس بھائی” کی گہری دوستی کو نسل در نسل آگے بڑھانا چین اور ویتنام کی دونوں کمیونسٹ پارٹیوں اور دونوں عوام کی مشترکہ خواہش ہے۔
