دسویں جماعت

پہلی سے دسویں جماعت کے طلبہ کیلئے اہم خبر، حکومت پنجاب کا نیا فیصلہ

مکوآنہ ( عکس آن لائن)حکومت پنجاب نے رواں تعلیمی سال کے لیے پہلی سے دسویں جماعت کے سکولوں کے نصاب میں 20 فیصد کمی کا فیصلہ کیا ہے۔ تفصیلات کے مطابق محکمہ سکول ایجوکیشن پنجاب نے جاری تعلیمی سال کے تاخیر سے شروع ہونے کے پیش نظر پہلی جماعت سے میٹرک تک کے طلبائ کے سکولوں کے نصاب کو کم کرنے کا فیصلہ کیا ہے، حکومت کے اس فیصلے کا اساتذہ، طلباء اور ان کے والدین نے خیرمقدم کیا ہے والدین کا کہناتھا کہ مکمل نصاب سے طلبا پر زیادہ بوجھ پڑتا۔

سکول ایجوکیشن ڈیپارٹمنٹ تمام بورڈز آف انٹرمیڈیٹ اینڈ سیکنڈری ایجوکیشن (BISEs) سے مشاورت کے بعد حتمی اعلان کرے گا۔واضح رہے کہ حکومت پنجاب نجی تعلیمی اداروں کے تمام معاملات بشمول ان کی فیس کے ڈھانچے کو ریگولیٹ کرنے کے لیے ایک پالیسی پر کام کر رہی ہے۔ پنجاب اسمبلی سے نجی تعلیمی اداروں کی تشکیل کا مسودہ منظور ہوتے ہی قانون کے نفاذ کی توقع ہے۔

اپنا تبصرہ بھیجیں