ملتان (عکس آن لائن)پاکستان کاٹن جنرز ایسوسی ایشن (پی سی جی اے)کے جاری کردہ اعدادوشمار کے مطابق پنجاب کے کپاس پیدا کرنیو الے 21 اضلاع میں سے 16اضلاع جن میں ملتان،لودھراں،خانیوال،مظفرگڑھ، ڈیرہ غازی خان، راجن پور، لیہ،وہاڑی ،ٹوبہ ٹیک سنگھ،فیصل آباد،جھنگ،میانوالی،بھکر،رحیم یارخان، بہاولپور اوربہاولنگرکے اضلاع میں گزشتہ سال کے مقابلے میں 14.57سے لے کر58.83فیصدکم کپاس جیننگ فیکٹریوں میں آئی۔
جبکہ پنجاب کے اضلاع قصوراورسرگودھا کے پیداواری اعدادوشمارتاہم موصول نہیں ہوئے۔ سندھ کے 11میں سے 8اضلاع میں حیدرآباد، سانگھڑ،نواب شاہ، نوشہروفیروز، خیرپور، گھوٹکی، سکھراورجامشوروکے اضلاع میں کپاس کی پیدوارمیں 5.48فیصدسے لے کر47.16فیصدتک کم کپاس جیننگ فیکٹریوں میں آئی۔صوبہ بلوچستان میں 17.19فیصد کم پیداوار جننگ فیکٹریوں میں پہنچی۔
