لاہور ( عکس آن لائن)مشیرِ کھیل پنجاب وہاب ریاض نے کہا ہے کہ پاکستان کے تیز ترین ایتھلیٹ کی تلاش کا مقابلہ منعقد کیا جارہا ہے۔
وہاب ریاض سے پاکستان کے تیز ترین ایتھلیٹ شجر عباس نے ملاقات کی۔اس موقع پر وہاب ریاض نے کہا کہ شجر پاکستان کے تیز ترین ایتھلیٹ ہیں، اب تک پاکستانی تاریخ کے تمام ریکارڈ توڑنے والے ایتھلیٹ کو بہترین سہولیات مہیا کریں گے۔
وہاب ریاض نے کہا کہ مرد و خواتین ایتھلیٹ ضلعی اور صوبائی سطح پر ہونے والے مقابلے میں شرکت کرسکیں گے۔انہوں نے کہا کہ شجر تیز ترین ایتھلیٹ مقابلے کے آئیکون ایتھلیٹ ہوں گے، پاکستان میں کھیلوں کا بے پناہ ٹیلنٹ موجود ہے، امید ہے شجر ایشین گیمز میں اعلی کارکردگی دکھائیں گے۔
