گیس بحران

موسم میں تبدیلی کی وجہ سے شہر میں گیس بحران سر اٹھانے لگا

لاہور (عکس آن لائن) موسم میں تبدیلی کی وجہ سے شہر میں گیس بحران سر اٹھانے لگا، بیشترعلاقوں میں کھانا پکانے کے اوقات میں پریشر کیساتھ گیس فراہمی ناممکن ہونے لگی۔ ذرائع کے مطابق موسم میں تبدیلی کی وجہ سے گیس کی طلب میں اضافہ ہو گیا ہے، جس کی وجہ سے سوئی ناردرن گیس کمپنی لاہور ریجن کے سسٹم پر گیس کی طلب دو سو ملین کیوبک فٹ تک جا پہنچی ہے۔

جبکہ لاہور ریجن کو سپلائی ایک سو پینسٹھ ملین کیوبک فٹ تک محدود کردی گئی ہے،اس طرح طلب و رسد میں پینتیس ملین کیوبک فٹ کا شارٹ فال ہونے سے گیس پریشر کم ہونے لگاہے۔سوئی ناردرن حکام کے مطابق گیزر کا استعمال شروع ہونے کی وجہ سے گیس کی طلب میں اضافہ ہوا ہے۔

اپنا تبصرہ بھیجیں