لاہور (عکس آن لائن ) لاہور ہائیکورٹ میں وزیراعظم عمران خان کے 16 مشیران خاص کی تقرریوں کے خلاف درخواست پر سماعت ہوئی، درخواست گزار کی جانب سے موقف اپنایا گیا ہے کہ آئین کے آرٹیکل 92 کے تحت وزیر اعظم کی سفارش پر صرف رکن اسمبلی ہی وفاقی وزیر کے عہدے پر مقرر کیا جا سکتا ہے
سماعت کے دوران وزیراعظم عمران خان سمیت شہزاد اکبر، سید شہزاد قاسم، شہزاد ارباب اور وزارت قانون نے جواب جمع کروادیا تاہم ڈاکٹر عبدالحفیظ شیخ نے جواب دینے کے لیے مہلت مانگ لی۔
جب کہ وفاقی کابینہ میں غیر منتخب افراد کو شامل کر نے سے ظاہر ہوتا ہے کہ وزیر اعظم عمران خان اپنے فرائض انجام دینے کے اہل نہیں ہیں، وزیراعظم کے دہری شہریت کے حامل مشیران خاص ریاست پاکستان کیلئے سکیورٹی رسک ہیں لہذا مشیران کی تقرری غیر آئینی قرار دی جائے۔
وزیراعظم عمران خان نے عدالت میں جمع کرائے جواب میں کہا کہ تمام مشیروں کی تقرریاں آئین اور قانون کے مطابق ہیں، مشیر رکھنا وزیراعظم کا اختیار ہے،
عدالت نے جواب جمع نہ کروانے والے عبدالرزاق داؤد، امین اسلم، ڈاکٹر عشرت حسین، ڈاکٹر بابر اعوان، ڈاکٹر ظفر مرزا، معید یوسف، زلفی بخاری، ثانیہ نشتر، ندیم افضل چن اور شہباز گل کو دوبارہ نوٹسز جاری کردیے ہیں۔
مشیر حاصل رولز آف بزنس 1973کے تحت وزیراعظم رکھ سکتا ہے جب کہ مشیروں کی تنخواہیں اور الاؤنس بھی مقرر کرنے کا اختیار بھی وزیر اعظم کے پاس ہے.
