جنیوا(عکس آن لائن)عالمی ادارہ صحت(ڈبلیو ایچ او)نے چین کے وسطی شہر ووہان میں نوول کورونا وائرس کے ماخذ کا پتہ چلانے کے کام پر تنقید کرنے والوں کی مذمت کرتے ہوئے اس کام پرمامور ٹیم کے لئے اپنی حمایت کا اظہار کیا ہے۔عالمی ادارہ صحت کے ہیلتھ ایمرجنسی پروگرام کے ایگزیکٹو ڈائریکٹر ڈاکٹر مائیکل ریان نے جنیوا میں اقوام متحدہ کے ادارے کے صدر دفتر سے ایک پریس کانفرنس کو بتایا کہ کئی ایک نقادوں نے دعوی کیا ہے کہ وہ رپورٹ آنے کے بعد اس کو قبول نہیں کریں گے یا یہ کہ ایسی دیگر معلومات موجود تھیں جو وبا کے آغازکے حوالے سے مختلف نتائج ظاہر کرسکتی تھیں۔انہوں نے تنقید کرنے والوں سے کہا کہ برائے مہربانی اگر ان کے پاس اس حوالے سے کوئی جوابات ہیں تو ہمیں بھی آگاہ کیا جائے۔ریان نے کہا کہ رپورٹ تحریر ہونے سے پہلے ہی اسے مسترد کرنے کا کہنا اور یہ کہنا کہ ہمارے پاس اطلاعات ہیں جو کہ فراہم بھی نہیں کی گئیں ایک غیر ذمہ دارانہ طرزعمل ہے، انہوں نے مزید کہا کہ وائرس کے ماخذ کا پتہ چلانے میں مصروف ٹیم بین الاقوامی حمایت کی مستحق ہے۔
Recent Posts
- اووربلنگ کسی صورت برداشت نہیں کی جائے گی ، وفاقی وزیر توانائی
- فیض آباد دھرنا معاہدے میں فیض حمید اصرار کر کے شامل ہوئے،احسن اقبال
- پنجاب بھر میں پلاسٹک بیگز کے استعمال پر پابندی کا اعلان، وزیر اعلیٰ نے منظوری دیدی
- پرویز خٹک کی پیپلز پارٹی میں شمولیت کے لئے کوششیں تیز
- لاہور ہائیکورٹ کاماتحت عدالتوں کے ججز کو چیمبرز کے بجائے کمرہ عدالت میں سماعت کا حکم