سعودی عرب

سعودی عرب، مشترکہ سکیورٹی آپریشنز کے لیے تیسرے مرکز کا افتتاح

ریاض (عکس آن لائن)سعودی وزیر داخلہ شہزادہ عبدالعزیز بن سعود بن نایف بن عبدالعزیز نے وڈیو کمیونیکیشن ٹیکنالوجی کے ذریعے نیشنل سینٹر فار سکیورٹی آپریشنز کے مشرقی صوبے میں یونیفائیڈ سکیورٹی آپریشنز سینٹر (911) کا افتتاح کیا۔عرب ٹی وی کے مطابق مکہ مکرمہ اور ریاض کے علاقوں میں متحد سکیورٹی آپریشنز مراکز کے بعد مملکت میں اپنی نوعیت کا تیسرے مرکز کا مقصد ایک مربوط مواصلاتی نظام کے ذریعے معیار زندگی بہتر کرنا ہے جو مشترکہ طور پر تمام ہنگامی صورتوں میں تیزی سے ردعمل کو یقینی بناتا ہے۔مشرقی صوبے میں یونیفائیڈ سکیورٹی آپریشنز سینٹر (911) شہر دمام کے علاوہ 12 گورنریوں میں خدمات انجام دیتا ہے، جہاں اس نے 29 آپریشن رومز کے کام کو ایک چھت کے نیچے اور ایک متحدہ ایمرجنسی نمبر (911) کے ساتھ یکجا کیا،یہ مرکز درج ذیل سکیورٹی حکام کی تمام کالز اور ہنگامی صورت حال وصول کرنے میں مہارت رکھتا ہے۔ بین الاقوامی معیارات کے مطابق پبلک سکیورٹی ٹریفک – روڈ سیکیورٹی کے لیے اسپیشل فورسز – سکیورٹی پٹرولنگ – پولیس پٹرولنگ، سول ڈیفنس اور سپریم اتھارٹی برائے صنعتی سکیورٹی شامل ہے۔

اس مرکز میں متعدد شراکت دار بھی شامل ہیں جیسے کہ وزارت ٹرانسپورٹ، وزارت صحت، وزارت بلدیات اور دیہی امور (مشرقی صوبے کی میونسپلٹی)، وزارت ماحولیات اور زراعت، سعودی ہلال احمر، سعودی بجلی کمپنی، اور نیشنل واٹر کمپنی شامل ہیں۔یہ قابل ذکر ہے کہ یونیفائیڈ سکیورٹی آپریشنز سینٹر (911) سعودی ویژن 2030 کے پروگراموں میں سے ایک معیار زندگی کے پروگرام کے تعاون سے وزارت داخلہ کی جانب سے نافذ کیے گئے اہم ترین اقدامات میں سے ایک ہے۔

اپنا تبصرہ بھیجیں