اسلام آ باد (نمائندہ عکس ) پاکستان تحریک انصاف کے رہنما بابراعوان نے کہا ہے کہ حکومت نے 25 ارب ڈالر کی معیشت زمین پر گرا دی ہے۔
اسلام آباد ڈسٹرکٹ ایبڈ سیشن کورٹ کے باہر بابر اعوان نے میڈیا سے گفتگو کرتے ہوئے کہا کہ خیبرپختونخوا کے وزیراعلی، گورنر، کابینہ کیخلاف مقدمات درج کیے اور جو شہر اور تھانے کی حدود میں داخل بھی نہیں ہوئے ان کیخلاف بھی مقدمات درج ہوئے۔ بابر اعوان نے کہا کہ حکومت نے 25 ارب ڈالرکی معیشت زمین پر گرا دی، بجلی، ڈیزل، گیس اور مہنگائی بم گرایا، یہ آئی ایم ایف کے سامنے لیٹ گئے۔ پی ٹی آئی رہنما بابر اعوان نے مزید کہا کہ ایک ارب ڈالر کیلئے ان سے ناک کی لکیریں نکلوا رہے ہیں۔
